இயக்குனர் மணிரத்னத்தின் பொன்னியின் செல்வன்: பாகம் 1 நாளுக்கு நாள் பாக்ஸ் ஆபிஸ் சாதனைகளை தகர்த்து வருகிறது. இப்படம் இந்தியாவில் ரூ.250 கோடியை நெருங்கி வருகிறது. 13 நாட்கள் முடிவில் இப்படம் இந்தியாவில் அனைத்து மொழிகளையும் சேர்த்து கிட்டத்தட்ட ரூ.227 கோடி வசூலித்துள்ளதாக கூறப்படுகிறது. தமிழகத்தில் எஸ்.எஸ்.ராஜமௌலியின் பாகுபலி 2 மற்றும் கமல்ஹாசனின் விக்ரம் ஆகியவற்றின் சாதனைகளை இப்படம் கடக்க வாய்ப்புள்ளது. வரலாற்றுப் புனைகதை திரைப்படம் இன்னும் பாக்ஸ் ஆபிஸில் வலுவாக உள்ளது.
கல்கி எழுதிய பொன்னியின் செல்வன் நாவலை எப்படித்தான் எழுதினார் என வியந்து பார்ப்பவர்கள் பலர் இருக்கின்றனர்.
ஆனால் அதையே மிகப்பெரிய பொருட்செலவில் ஒரு பிரம்மாண்ட படமாக இயக்கியுள்ள மணிரத்தினத்தை பார்த்து அனைவரும் வியப்பில் ஆழ்ந்திருக்கின்றனர். முதல் பாகத்தை வெற்றிகரமாக இயக்கி வெளியிட்டு சாதனை செய்துள்ளார் மணிரத்தினம். மொத்தம் 500 கோடி பட்ஜெட்டில் தயாரான இந்த படம் போட்ட பணத்தை விரைவில் எடுத்துவிடும் என்று தெரிகின்றது.
மேலும் படம் ரிலீஸ் ஆன நாள் எவ்வளவு வசூலித்தது என்பது பற்றி தயாரிப்பு நிறுவனமே அறிவிப்பு வெளியிட்டுள்ளது. முதல் நாளில் 80 கோடி வரை வசூலித்த இந்த படம் அடுத்தடுத்த நாட்களில் நல்ல வசூல் வேட்டை நடத்தியுள்ளது. இந்த நிலையில் நேற்று படம் 400 கோடி வரை வசூலித்திருப்பதாக லைக்கா ஒரு வீடியோ வெளியிட்டுள்ளனர். படம் ரிலீஸ் ஆகி 13 நாட்களில் உலகம் முழுவதும் 430 கோடி வரை வசூலித்து விட்டதாம் இதனை அடுத்து விரைவில் 500 கோடியை தொட்டுவிடும் என தெரிவிக்கின்றனர்.
மணிரத்னம் இயக்கிய பொன்னியின் செல்வன் இரண்டு பாகங்களாக வெளியாகிறது. இரண்டாம் பாகம் ஆறு முதல் ஒன்பது மாதங்களில் திரையரங்குகளில் வெளியாகும். இப்படம் கல்கி கிருஷ்ணமூர்த்தி எழுதிய அதே பெயரில் உள்ள பிரபலமான தமிழ் இலக்கிய நாவலின் தழுவல் ஆகும். இந்த மெகா பட்ஜெட் படத்தில் ஐஸ்வர்யா ராய் பச்சன், சியான் விக்ரம், த்ரிஷா, கார்த்தி மற்றும் ஜெயம் ரவி ஆகியோர் முக்கிய வேடங்களில் நடிக்கின்றனர். ஏ.ஆர்.ரஹ்மான் இந்தப் படத்துக்கு இசையமைத்து பாடல்களை அமைத்துள்ளார்.
