தென்கிழக்கு வங்கக் கடலில் உருவாகியுள்ள குறைந்த காற்றழுத்த தாழ்வுப் பகுதி காரணமாக தமிழகத்தின் பல்வேறு பகுதிகளில் லேசானது முதல் மிதமானது வரை மழை பெய்யும்.

தமிழகம் மற்றும் புதுச்சேரியின் வட மாவட்டங்களில் அடுத்த 5 நாட்களுக்கு மழை பெய்யும் என வானிலை ஆய்வு மையம் (ஆர்எம்சி) வெள்ளிக்கிழமை தெரிவித்துள்ளது.

இந்த காற்றழுத்த தாழ்வு நிலை அடுத்த 48 மணி நேரத்தில் மேற்கு-வடமேற்கு திசையில் நகர்ந்து மேலும் வலுப்பெற வாய்ப்புள்ளது.

மேலும், காற்றின் திசையில் மாற்றம் ஏற்படும் வரை அடுத்த சில நாட்களுக்கு அதிகாலையில் சென்னை மற்றும் புறநகர் பகுதிகளில் வெப்பநிலை குறைந்து ஓரளவு மேகமூட்டத்துடன் இருக்கும்.

சென்னையை பொறுத்த வரையில் அடுத்த 48 மணி நேரத்திற்கு ஒரு சில இடங்களில் லேசானது முதல் மிதமானது வரை மழை பெய்யும் என எதிர்பார்க்கப்படுகிறது.

அடுத்த சில நாட்களில் பெய்யும் மழையின் சுருக்கம் இங்கே:

டிசம்பர் 2 – தமிழகம், புதுச்சேரி மற்றும் காரைக்காலில் இடியுடன் கூடிய லேசானது முதல் மிதமான மழை பெய்யும்.

டிசம்பர் 3 – தமிழகத்தின் கடலோர மாவட்டங்கள், புதுச்சேரி, காரைக்கால் மற்றும் மத்திய தமிழக மாவட்டங்களில் ஒரு சில இடங்களில் மிதமான மழை பெய்யக்கூடும்.

டிசம்பர் 4 – தமிழ்நாடு, புதுச்சேரி மற்றும் காரைக்கால் பகுதிகளில் இடியுடன் கூடிய மழை.

டிசம்பர் 5 – தென் மற்றும் வட தமிழகத்தில் ஒரு சில இடங்களில் மிதமான மழை பெய்யக்கூடும்.

டிச.6 – தமிழகத்தின் கடலோர மாவட்டங்களில் மழை பெய்ய வாய்ப்புள்ளது.